ماهي المواد التي تدرس في السنة أولى ليسانس هندسة معمارية ؟؟

بالنسبة للمواد المدروسة في السنة اولى هندسة معمارية هي :
1-مادة : projet1 ( l'atelier ) اي الورشة وهذه هي اهم مادة معاملها 6 اذا كان ديت المعدل في هذي المادة يعني خلاص تقريبا تضمن العام هذي المادة تقراوها في الورشة تكون مجهزة بطاولات الخاصة بالهندسة الحجم الساعي تاعها 7 ساعات في الاسبوع يعني يكون عندكم يوم في السمانة تقراو فيها هذي المادة تتعلمو فيها كيفاش تصممو المخططات ، القطاعات ، الواجهات ...الخ كل مرة تتعلمو حاجة + بحوث مثلا على اهم المهندسين المعمارية .....الخ ومبعد في نهاية الموسم تخرجو بمشروع النهائي هو لي يعتبر امتحان تاع هذي المادة او ما يعرف بلافيشاج affichage يعني كل واحد يعرض المشروع تاعو يشرحو قدام الاساتذة والطلبة ويسالوه ويناقشوه بالنسبة للسنة اولى المشروع تاع المويم الاول هو التشكيلة الهندسية la composition volumitrique يعني في الاول تتعلمو الهندسة قبل تتعلمو كيفاش تتحكمو في الاشكال وتنسقو بيناتهم بطرق علمية وفق منهجية التصميم تتعلموها طبعا وبالنسبة للمشروع تاع الموسم الثاني هو سكن فردي مثلا فيلا سكنية .
2- مادة : théorie de projet او نظريات المشروع هذي المادة معاملها 2 فيها محاضرات فقط مرة في الاسبوع هذي المادة تساعد المادة الاولى تاع الورشة تقراو فيها تعريفات تاع الهندسة المعمارية ، منهجيات التصميم ، المقاييس ومبدائ التصميم .....الخ
<script async src="//pagead2.googlesyndication.com/pagead/js/adsbygoogle.js"></script> <!-- /دونة ارشي 160*600 --> <ins class="adsbygoogle" style="display:inline-block;width:160px;height:600px" data-ad-client="ca-pub-6427363428620943" data-ad-slot="2724733330"></ins> <script> (adsbygoogle = window.adsbygoogle || []).push({}); </script> 3- مادة HCA اي histoire critique de l'architecture معناها التاريخ النقدي للعمارة معاملها 3 هذي مادة التاريخ فيها محاضرات وتيديات في المحاضرات تقراو دروس على تاريخ العمارة منذ وجود الانسان و في مختلف العصور وفي التيديات راد يمدلكم الاستاذ بحوث وكل واحد ولا كل 2 مع بعض يخدم بحث وفي كل حصة تشرحو بحوثكم وتعرضوهم
4- مادة : GDP اي géometrie descriptive pratique اي الهندسة الوصفية التطبيقية معاملها 2 فيها محاضرات وتيديات تتعلمو فيها طرق الرسم مثلا الاسقاطات العمودية وكيفية رسم الواجهات وكيفية رسم المنظور والظل ....الخ في المحاضرات تقراو دروس نظرية تعريفات وشروحات ومبعد في التيدي ديرو تطبيقات تمارين على واش قريتو التمارين تكون بالرسم فقط باستعمال الادوات طبعا بالاضافة الى بحوث تعرضوهم في التيدي .
5- مادة TMC اي technologie de materiau de construction معناها تكنولوجيا مواد البناء معاملها 2 فيها محاضرات و تيبيات TP في المحاضرات تقراو دروس على مواد البناء وخضائصها واستعمالاتها ...الخ كيما الاسمنت ، الحصى ، الجبس ..الخ وفي TP تقراوه في المخبر ديرو تجارب على هذي المواد مثلا تجربة تعرفو بيها الصلاحية تاع الاسمنت ديرو تجربة وتسجلو النتائج عندكم ومن بعد الاستاذ يمدلكم مهلة اسبوع او اسبوعين لازم تجيبو تقرير على التجربة لي درتوها طبعا التقرير تذكرو فيها واش درتو في التجربة والنتائج لي خرجتو بيها وتقولو في النهاية مثلا هل هذا الاسمنت صالح للاستعمال ام لا على حسب التجربة وكل تجربة لازم تكتبو تقريرها .
6- مادة francaise او terminologie على حسب الجامعة هناك جامعات يدرسون لغة فرنسية وبعض الجامعات يدرسونها مصطلحات معاملها 1 فيها محاضرات وتيديات في المحاضرات تقراو فيها المصطلحات لي تحتاجوها بالفرنسية والعربية وفي تيديات تحلو تمارين .
7- مادة math او رياضيات معاملها 1 فيها محاضرات وتيديات في المحاضرات تقراو دروس رياضيات في الموسم الاول رياضيات مختلفة تماما ليس لها اي علاقة بالرياضيات تاع الليسي رايحين تقراو حوايج جديدة مثلا الفضاء الشعاعي ، المصفوفات ...الخ اما في الموسم الثاني هناك بعض الدروس كيما تاع الليسي مثلا المعادلات التفاضلية ، التكامل .....الخ اما في التيديات تحلو تمارين وتصحوهم مع الاستاذ .
8- مادة physique او الفيزياء معاملها 1 فيها محاضرات وتيديات في المحاضرات تقراو دروس لكنها دروس جديدة مختلفة تماما على القراية تاع الليسي وفي التيديات تحلو تمارين وتصححوهم .
9- مادة art graphie او الفن الغرافيكي معاملها 2 هذي المادة تقراوها في الورشة حصة واحدة في الاسبوع مدة ساعة و نصف هذي تتعلمو فيها الرسم الفني تتعلمو فيها الدقة في الرسم وكيفية تنسيق الالوان والاشكال والتوازن بالاضافة الى بحوث حول الرسم الفني تعملوهم وتشرحوهم في كل حصة لكن هذي المادة تقراوها في الموسم الاول فقط وفي الموسم الثاني تتغير وتصبح في مكانها مادة اخرى اسمها sculpture او النحت هذي تتعلمو فيها النحت في الجبس وفي نهاية الموسم الثاني تخرجو بمشروع تاع مجسم تخدموه بالجبس طبعا مجسم لازم يكون عندو رمزية وعندو معني ومتوازن ومتناسق من حيث الالوان ....الخ تشرحوه قدام الاساتذة ويعتبر هو الامتحان .
10- مادة dessin codifiee او الرسم التقني معاملها 2 هذي المادة ممكن تكون منفصلة وممكن تكون مندمجة مع مادة الورشة على حسب الجامعة تقراو فيها الرسم التقني مثلا كيفاش ترسم باب كيفاش ترسم نافذة ...الخ
وليكن في علمكم ان كل موسم منفضل عن الموسم الاخر يعني في كل موسم يتغير جدول التوقيت وكل موسم فيه برنامج خاص به و كاين بعض المواد تتغير وحتى الاساتذة بعضهم يتغير في كل موسم
اما بالنسبة للغة الدراسة فهي تختلف على حسب الجامعة وعلى حسب الاساتذة هناك بعض الاساتذة يدرسون باللغة الفرنسية وهناك من يدرس باللغة العربية هذا بالنسبة للغة الدراسة اما بالنسبة للاجابة في الامتحان فالطالب حر يمكنه الاجابة بالعربية او بالفرنسية وكذالك البحوث الطالب حر يمكن انجاز البحوث وشرحها بالعربية الفصحى او الفرنسية
واتمنى ان تكونو قد استفدتم واخدتم نظرة عامة حول المواد المدروسة في السنة اولى هندسة معمارية 

• غرد تغريدة
• شاركه
• شاركه
• شاركه
• شاركه

إشترك بالنشرة البريدية